هل حان وقت الاعتصام

أزيكم شباب عاملين ايه يارب تكونوا كلكم بخير
الموضوع باين من عنوانه
انا عندي شويه اسئله لازم كل واحد يسألهها لنفسه اليومين دول بالذات
1- هل تعتقد ان احنا لسه في مرحله السؤال والاستفسار عن وجود شغل ولا عدم وجود شغل ؟
2- في حاله عدم وجدود شغل هل يكون الرد اننا نروح ندور علي مستقبلنا في حته تانيه والسلام؟
3- هل احنا يامن تدربتم من أجل العمل في الحجر واجتازتم الدوره بنجاح ليس لديكم اي حق تدافعون عنه حتي الان ؟
بعد ما تجاوبوا علي الاسئله دي لازم نحدد أولا ايه اللي نعمله وامتي
الوعود كلها بتأكد ان فيه شغل وده اللي قاله د علي اكتر من مره بس المشكله امتي
وكان الرد دايما ربنا يسهل كمان شهر ورا شهر وامضا ورا امضا
كل ده عادي ومفيش اعتراض لان روتين البلاد معلوم للكل ومحدش يقدر يعترض عليه
جميل طيب فين المشكله
المشكله لو مفيش شغل من الاصل بعد ده كله
جميل وده هنعرفه امتي امتي نقول احنا اتخدعنا ومفيش اي حاجه
انا رايي اننا المفروض كلنا نتصرف علي الاساس ده بعد واحد سبعه اللي جاي
وساعتها مش نقول نروح نسأل ده احنا ااقل حاجه نعملها ساعتها هي اعتصام صريح لاننا ساعتها نكون اصحاب حق ولازم نطالب بيه لكن دلوقتي انا شايف ان لسه بدري
ولا ايه رايكم
يا جماعه مرحله نروح نسأل فيه شغل ولا نروح ندور في حته تانيه دي عدت خلاص لازم نكون جادين امام مستقبلنا وحياتنا أكتر من كده
ده رايي بصراحه وانا اتمني اشوف اراكم ايضا